· Ana səhifə

· Rəsmi

· Heydər Əliyev Fondu

· Əmrlər, sərəncamlar

· Təhsil Nazirliyində

· Xəbərlər

· Pedaqoji yazılar

· Məktəblərimiz

· Bizimlə əlaqə

Dövlət müstəqilliyinin xalqımıza bəxş etdiyi nemətlərdən biri də odur ki, biz artıq təhsil sistemimizi xalqımızın, millətimizin tarixinə, mənəviyyatına, ənənələrinə uyğun qururuq. Doğrudur, bu proses çox mürəkkəb prosesdir. Bu proses qısa müddətdə başa çata bilməyəcəkdir. Bu gün təhsil sahəsində çalışan bütün vətəndaşlara, müəllimlərə, təhsil müəssisələrinin rəhbərlərinə müraciət edərək xahiş edirəm ki, onlar tezliklə təhsil sistemində işlərin müstəqil Azərbaycanın prinsipləri əsasında qurulmasına nail olsunlar.

Heydər ƏLİYEV

Baş nazir Türkiyə Yüksək öyrətim Kurulunun nümayəndələri ilə görüşüb

Nazirlər Kabinetinin mətbuat xidmətindən AzərTAc-a bildirmişlər ki, noyabrın 13-də Azərbaycan Respublikasının Baş naziri Artur Rasizadə Türkiyənin Yüksək öyrətim Kurulunun sədri, professor Yusif özcanın rəhbərlik etdiyi nümayəndə heyəti ilə görüşmüşdür.

Qonaqlara respublikamızda təhsil quruculuğu sahəsində həyata keçirilən islahatlar barədə ətraflı məlumat verilmişdir.

Görüşdə ölkələrimizin təhsil sahəsində əməkdaşlığının genişləndirilməsinin vacibliyi xüsusi vurğulanmış, tərəfləri maraqlandıran bir sıra digər məsələlər ətrafında müzakirələr aparılmışdır. 

Türkiyə Prezidenti Abdullah Gül Bakıda Anadolu Türk Liseyinin yeni binasının açılış mərasimində iştirak edib

Azərbaycanda səfərdə olan Türkiyə Cümhuriyyətinin Prezidenti Abdullah Gül noyabrın 14-də Bakıda "Azərsun Holdinq"in dəstəyi ilə inşa olunmuş Anadolu Türk Liseyinin yeni binasının açılış mərasimində iştirak etmişdir.

Təntənəli şəkildə qarşılanan Abdullah Gül açılışı bildirən rəmzi lenti kəsmişdir. Türkiyə Prezidenti yeni təhsil ocağında yaradılmış şəraitlə maraqlanmış, sinif otaqlarını gəzərək şagirdlərlə söhbət etmiş, onlara dərslərində uğurlar arzulamışdır.

Mərasimdə Azərbaycan və Türkiyənin hökumət rəsmiləri iştirak etmişlər. 

Görkəmli alim və pedaqoq Mir Cəlal Paşayevin 100 illiyi YUNESKO səviyyəsində qeyd olundu

Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban Əliyevanın çıxışı

 Xəbər verdiyimiz kimi, noyabrın 10-da Parisdə YUNESKO-nun iqamətgahında XX əsr Azərbaycan ədəbiyyatının görkəmli nümayəndəsi, alim və pedaqoq Mir Cəlal Paşayevin 100 illiyinə həsr olunmuş mərasim keçirilmişdir. YUNESKO səviyyəsində keçirilən yubiley mərasimində Azərbaycanın birinci xanımı Mehriban Əliyeva çıxış etmişdir. 

 -Cənab Baş direktor!

Xanımlar və cənablar!

Hörmətli qonaqlar!

Mən sizin hamınızı salamlayır, dəvətimizi qəbul edib, bu axşam bizimlə olduğunuza görə minnətdarlığımı bildirirəm.

Təhsil Nazirliyində

Noyabrın 18-də Təhsil Nazirliyində YUNİSEF-in Azərbaycandakı nümayəndəliyinin yeni rəhbəri cənab Məhəmməd Bendriss Alami ilə görüş keçirilib.

Təhsil naziri Misir Mərdanov görüşü giriş sözü ilə açaraq qonağı yeni vəzifəyə təyin olunması münasibətilə təbrik edib və ona gələcək fəaliyyətində uğurlar arzulayıb.

Sonra nazir ölkəmizdə öz missiyasını uğurla yerinə yetirən YUNİSEF təşkilatının Təhsil Nazirliyi ilə sıx və səmərəli əməkdaşlıq etməsindən, birgə həyata keçirilən layihələrdən danışıb. Nazir bildirib ki, bu layihələr ümumilikdə 250-dən çox məktəbəqədər tərbiyə, ümumtəhsil, ilkin müəllim hazırlığı, ixtisasartırma və yenidənhazırlanma müəssisəsini, 30 minədək uşaq və şagirdi, 7 minə qədər valideyni, 3 minədək müəllim və tərbiyəçini, 1000-dək mütəxəssisi əhatə edib. Eyni zamanda 400-dək təlim kursu keçirilib, müxtəlif məzmunlu təlim materialları hazırlanıb.

 Dövlət Proqramının icrasına həsr olunmuş konfrans

Noyabrın 19-da "Palace" otelində "Azərbaycan Respublikasında dövlət uşaq müəssisələrindən uşaqların ailələrə verilməsi  (de-institutlaşdırma) və alternativ qayğı Dövlət Proqramı (2006-2015-ci illər)" çərçivəsində "2009-cu ildə qarşıda duran vəzifələr" mövzusunda konfrans keçirildi.

 Konfransı təhsil naziri Misir Mərdanov açaraq ilk öncə hamını salamladı. Keçirilən tədbirin hamı üçün mühüm əhəmiyyət kəsb etdiyini deyən nazir ölkə başçısı cənab İlham Əliyevin 29 mart 2006-cı il tarixli sərəncamı ilə təsdiq olunmuş "Azərbaycan Respublikasında dövlət uşaq müəssisələrindən uşaqların ailələrə verilməsi (de-institutlaşdırma) və alternativ qayğı Dövlət Proqramı" (2006-2015-ci illər)"ndan irəli gələn əsas  vəzifələrdən söz açdı.

Bakının iki məktəbində kurrikulumla bağlı sorğularımız nə göstərdi?

318 nömrəli məktəbin direktoru "şparqalka"dan istifadə etməyə çalışsa da, suallarımıza cavab verə bilmədi

İki ildən çoxdur ki, Təhsil Nazirliyinin tabeliyində Bakı Şəhəri üzrə Təhsil İdarəsi yaradılıb. Bu müddət ərzində nazirliyin və idarənin səyləri nəticəsində xeyli iş görülüb. Bunlar artıq özünü ciddi şəkildə göstərir. Bütün sahələrdə uğurlar aydın hiss olunsa da, bəzi məktəblərdə nöqsanlar hələ də qalmaqdadır. Qəzetimizin ötən saylarında kurrikulumlarla bağlı dərc olunan reyd yazılarında onların bir qisminə toxunmuşduq. Növbəti reydimizdə də elə məqsədimiz iki aydan bəri tətbiq olunan yeni kurrikulumlarla bağlı idi. öyrənmək istəyirdik ki, yeniliyin izahı istiqamətində aparılmış maarifləndirmə işlərindən məktəb rəhbərləri, müəllimlər nə dərəcədə faydalana bilmişlər?