· Ana səhifə

· Rəsmi

· Heydər Əliyev Fondu

· Əmrlər, sərəncamlar

· Təhsil Nazirliyində

· Xəbərlər

· Pedaqoji yazılar

· Məktəblərimiz

· Bizimlə əlaqə

 

 
B.e ç.a ç. C.a C. Ş. B.
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

 

 

  …Bu gün Azərbaycanda formalaşan güclü mətbuat bir neçə ildən sonra keyfiyyətcə daha da yüksək səviyyəyə çatacaqdır. Prezident kimi mən öz fəaliyyətimdə bu prinsipləri rəhbər tuturam.

…Bu gün mətbuat, eyni zamanda təbliğat funksiyasını daşıyır. Xüsusilə nəzərə alsaq ki, Azərbaycan uzun müddət informasiya blokadasında idi və bizim əleyhimizə dünyanın ən güclü lobbilərindən biri - erməni lobbisi mütəmadi qaydada işləyir və bizim gördüyümüz bütün işlərə ləkə vurmaq istəyir, onda mətbuatın təbliğat funksiyası daha da güclənməlidir.

İlham ƏLİYEV

"TƏHSİLƏ QOYULAN VƏSAİT öLKƏMİZİN GƏLƏCƏYİNƏ 

QOYULAN VƏSAİTDİR"

İndi biz faktiki olaraq, Azərbaycanda bütün məktəb infrastrukturunu yeniləşdiririk. İndiyədək 800-ə yaxın məktəbin tikilməsi və gələcək illərdə yüzlərlə məktəbin tikintisi - bu, məktəb sahəsinin maddi-texniki bazasının yeniləşdirilməsini, təhsilin keyfiyyətini də, avadanlıqla təchizatı da təmin edir. Eyni zamanda, hesab edirəm ki, indi vaxt gəlib ki, biz mövcud məktəblərin təmirinə də daha çox vəsait ayıraq. çünki buna da böyük ehtiyac var, xüsusilə, Bakı şəhərində. Yəqin ki, bu il, gələn il Bakı şəhərində yerləşən bütün məktəblərin istilik təchizatı problemləri həll olunmalıdır. Bu, həll ediləcəkdir. Ondan sonra bütün başqa şəhər və rayonlarda da biz bunu həll etməliyik və mövcud məktəbləri də çox gözəl səviyyəyə gətirib çıxarmalıyıq.

Bu sahədə vəsaitə qənaət etməməliyik. çünki təhsilə qoyulan vəsait ölkəmizin gələcəyinə qoyulan vəsaitdir. Bütün inkişaf etmiş ölkələrin uğurlarının səbəbi də məhz ziyalı təbəqəsidir, elmi-texniki tərəqqidir, texnoloji yeniliklərdir. Biz də bu yolu seçmişik. İstəyirik ki, bizim insanlarımız, gənc nəsil bilikli, savadlı olsun və ölkəmizin inkişafında çox böyük rol oynasınlar.

 Prezident İlham Əliyevin sədrliyi ilə keçirilən Nazirlər Kabinetinin ilin birinci rübünün yekunlarına həsr edilmiş iclasındakı nitqindən.

 

Azərbaycan elmində islahatların aparılması ilə bağlı Dövlət Komissiyasının iclası keçirilib

Nazirlər Kabinetinin mətbuat xidmətindən bildirmişlər ki, iyulun 17-də Baş nazir Artur Rasizadənin sədrliyi ilə Azərbaycan elmində islahatların aparılması ilə bağlı Dövlət Komissiyasının iclası keçirilmişdir.

İclasda Azərbaycan elmində islahatların aparılması ilə bağlı Azərbaycan Respublikası Prezidentinin 2008-ci il 10 aprel tarixli sərəncamından irəli gələn vəzifələr müzakirə olunmuş, 2009-2015-ci illərdə Azərbaycan Respublikasında elmin inkişafı üzrə Milli Strategiyanın və həmin strategiyanın həyata keçirilməsi üzrə Dövlət Proqramı layihəsinin hazırlanması işinin gedişinə dair komissiya sədrinin müavini, Azərbaycan Milli Elmlər Akademiyasının prezidenti, akademik Mahmud Kərimovun məlumatı dinlənilmişdir.

Müzakirələrdə çıxış edən komissiya üzvləri hazırlanan sənədlərin əsas istiqamətlərini məqbul sayaraq, onların daha da təkmilləşdirilməsinə dair bir sıra təkliflər irəli sürmüşlər.

Sonda komissiyanın işçi qrupuna tapşırılmışdır ki, elmin inkişafına dair Milli Strategiyanın və onun həyata keçirilməsi üzrə Dövlət Proqramının layihəsi üzərində işləri bir ay müddətində başa çatdıraraq Dövlət Komissiyasına təqdim etsin.

 

AzərTAc

Xüsusi istedada malik şagirdlərin aşkara çıxarılması tədbirləri haqqında

Azərbaycan Respublikası Prezidentinin 17 aprel 2006-cı il tarixli, 1414 nömrəli sərəncamı ilə təsdiq edilmiş "Xüsusi istedada malik uşaqların (gənclərin) yaradıcılıq potensialının inkişafı üzrə Dövlət Proqramı (2006-2010-cu illər)"nın icrası ilə bağlı nazirliyin Fəaliyyət Planına (2.4 və 7.4-cü bəndlər) əsasən yerlərdə riyaziyyat, fizika, kimya, biologiya fənləri üzrə aşkara çıxarılmış istedadlı şagirdlər arasından ən istedadlılarını müəyyənləşdirmək məqsədilə 2008-ci ilin mayında Bakı şəhərində alim və mütəxəssislərin iştirakı ilə təkrar seçim aparılmışdır.

Seçim prosesində riyaziyyat fənnindən 260 (VIII-IX siniflər - 158, X sinif - 102), fizikadan 126 (VIII-IX siniflər - 62, X sinif - 64), kimyadan 138 (VIII-IX siniflər - 68, X sinif - 70), biologiyadan 155 (VIII-IX siniflər 83, X sinif - 72) nəfər iştirak etmişdir.

Şagirdlərə riyaziyyat, fizika, kimya fənlərinin hər birindən 50, biologiya fənnindən 75 xüsusi hazırlanmış test təşkil olunmuş, nəticələr 100 ballıq sistemlə qiymətləndirilmişdir.

Milli Mətbuat Günü münasibətilə jurnalistlər mükafatlandırıldı

Qəzetimizin əməkdaşı da mükafat alanlar sırasındadır

 

Təhsil Nazirliyi iyulun 18-də 22 iyul - Milli Mətbuat Gününə həsr olunmuş mərasim keçirdi. Mərasimə ölkənin tanınmış jurnalistləri və media qurumlarının nümayəndələri dəvət edilmişdilər.

Təhsil naziri Misir Mərdanov mərasimi giriş sözü ilə açaraq media mənsublarını  peşə bayramları münasibətilə təbrik etdi, onlara yaradıcılıq uğurları arzuladı. Nazir hazırda  təhsil sahəsində aparılan islahatların, Təhsil Nazirliyinin həyata keçirdiyi  tədbirlərin ölkə ictimaiyyəti tərəfindən müsbət qarşılandığını bildirdi.

İngilis dili müəllimlərinin daha bir qrupuna sertifikatlar təqdim olundu

Xəbər verdiyimiz kimi, Təhsil Nazirliyinin Böyük Britaniyanın "British Council" təşkilatı ilə birlikdə reallaşdırdığı "İngilis dilinin intensiv tədrisi layihəsi" çərçivəsində paytaxtın bir sıra təhsil ocaqlarında çalışan ingilis dili müəllimləri üçün təlim - seminarları keçirilmişdir.

İngilis dili müəllimlərinin peşəkarlıq səviyyəsinin, metodik ustalığının artırılması, onların müasir təlim texnologiyaları ilə, xüsusən də dilin intensiv öyrədilməsini təmin edən metodlar, üsul və vasitələrlə tanış edilməsi məqsədi daşıyan seminarda Bakının layihə iştirakçısı olan 7 ümumtəhsil məktəbinin  (7, 23, 27 nömrəli məktəblər, "İntellekt" liseyi, S.C.Pişəvəri adına humanitar fənlər gimnaziyası, "Ankara məktəbi" məktəb-liseyi və Beynəlxalq Təhsil Kompleksi) 60-a yaxın müəllimi iştirak etmişdir.