“Gənclik” Tələbə İdman Cəmiyyəti Respublika Şurasının təşkilatçılığı ilə Azərbaycan Dövlət Pedaqoji Kollecinin idman zalında keçirilən birincilikdə orta ixtisas təhsili müəssisələrinin tələbələri iştirak edib. Onlar turnirin təqvim planına uyğun olaraq idmanın 5 növü - şahmat, dama, stolüstü tennis, voleybol və basketbol üzrə qüvvələrinin sınayıblar.
Oğlanların dama yarışında Azərbaycan Dövlət Pedaqoji Kollecinin komandası birinci olub. Qızların mübarizəsində isə 1 nömrəli Bakı Tibb Kollecinin tələbələri fərqləniblər.
Oğlanların şahmat yarışında Bakı İdarəetmə və Texnologiya Kolleci, qızların mübarizəsində isə 1 nömrəli Bakı Tibb Kollecinin komandası fəxri kürsünün ən yüksək pilləsinə qalxıblar.
Rəşad ZİYADOV