Azərbaycan Dövlət Aqrar Universitetinin (ADAU) baytarlıq təbabəti fakültəsinin “Baytarlıq” ixtisasının (ingilis qrupu) V kurs tələbələri Gürcüstanda keçirilən beynəlxalq konfransda onlayn iştirak ediblər.

Müəllim Asəf Ömərovun rəhbərliyi ilə tələbələrdən Suada Nəcəfova, Dinarə Həsənzadə və Elvin Allahverdiyevin COVID-19 ilə bağlı apardıqları epidemioloji tədqiqatın nəticələrini özündə əks etdirən elmi tədqiqat işi (“Competitive study of the different vaccine effectiveness of COVID-19 infection”) Gürcüstanda təşkil olunan beynəlxalq (“International School-Conference in Medical and Health Sciences") konfransda yer alıb.
 

Qeyd edək ki, ADAU-nun tarixində ilk dəfə olaraq tələbələr tərəfindən hazırlanan tədqiqat məqaləsi beynəlxalq tədbirə təqdim olunub.