Neft milyonçusu Murtuza Muxtarova məxsus olan,1895-1920-ci illərdə salınan bu parkda yer alan nadir flora və fauna nümunələri bu gün də təbiətə və onun möcüzələrinə hədsiz hörmət, ehtiram hissi ilə qorunub saxlanılır. Flora növlərinin sayına və yaşına görə Mərdəkan dendrarisi dünyanın ən zəngin kolleksiyası adlandırılır.
Bu günlərdə yeniyetmə və gənclərin asudə vaxtlarını səmərəli təşkil etmək, onlarda təbiətin zəngin flora və faunasına məhəbbət hisslərini artırmaq məqsədilə Başı şəhər Gənclər və İdman Baş İdarəsinin təşkilatçılığı ilə Dendrari Parka ekskursiya təşkil olunub. Parkın əməkdaşları söyləyiblər ki, buradakı bitki kolleksiyası özünəməxsus landşaft ansambldır və dünyanın ən zəngin park nümunələrindəndir. Ekskursiya zamanı təşkil olunan əyləncəli və intellektual oyunlar, şahmat və dama yarışları iştirakçıların ürəyincə olub.
Sonda fəal iştirakçılara diplomlar təqdim edilib.
Sifai SƏFƏROVA