Mayın 3-də Təhsil İşçilərinin Peşəkar İnkişafı İnstitutunda “Refleksiv müəllim” layihəsi çərçivəsində ibtidai sinif müəllimlərinin seminarı keçirilib. Seminarda TİPİİ-nin direktor müavini Nəzakət Mehtiyeva, institutun beynəlxalq layihələr şöbəsinin baş mütəxəssisi Elçin Sərdarov iştirak ediblər.
Seminarda paytaxtdakı 102 nömrəli tam orta məktəbin ibtidai sinif müəllimi Dilşad Şeyxzadənin “Kərpickəsən kişinin hekayəti” mövzusunun icmal şəklində təqdimatı nümayiş olunub. Mövzu ətrafında fikir, yeni yanaşmalar, müzakirələr aparılıb. Müzakirələrdə müəllimlər fəallıq göstərərək iş təcrübələrini genişləndirmək imkanı əldə ediblər.
Sonda 263, 299 nömrəli tam orta məktəblərin ibtidai sinif müəllimləri İlahə Məmmədova, Lalə Həsənova “Refleksiv müəllim-2017” seminarlarında fəal iştirak etdiklərinə görə diplomla təltif olunublar.
Qeyd edək ki, seminar beynəlxalq əlillərin hüquqlarının müdafiəsi günü ərəfəsində keçirildiyi üçün Əlil qadınlar təşkilatının sədri Məxluqə Rəhimova seminarda çıxış edərək əlillərə göstərilən diqqət və qayğıdan söz açıb.
Sonra Elçin Sərdarovun “Nurlu an” videoçarxı nümayiş olunub.
Sifai SƏFƏROVA