Naxçıvan Müəllimlər İnstitutunda Müstəqillik gününə həsr edilmiş tədbir eçirilib. Əvvəlcə Təsviri İncəsənət müəllimliyi ixtisası üzrə təhsil alan tələbələrin əl işlərindən ibarət sərgiyə baxılıb.
İnstitutun rektoru, tarix üzrə fəlsəfə doktoru Elbrus İsayev 18 oktyabr Müstəqillik gününün xalqımıza verdiyi töhfələrdən danışıb. Bu töhfələri Naxçıvan Muxtar Respublikasının və Naxçıvan Müəllimlər İnstitutunun timsalında izah edərək qazanılmış uğurlardan da bəhs edib. İnstitutda yaradılmış şəraiti, yeni ixtisasların açılmasını, dövlət sifarişi ilə oxuyan tələbələrin sayının artırılmasını diqqətə çatdırıb.
Daha sonra müstəqillik gününə həsr edilmiş, fakültələr arasında qızlardan ibarət voleybol komandalarının yarışı keçirilıb. Elbrus İsayev qalib komandaya “Müstəqillik” kubokunu təqdim edib.
Tədbirin bədii hissəsində tələbələrin ifasında musiqi nömrələri və poeziya nümunələri dinlənilib. Son olaraq bədii kompozisiya və videoçarxa baxış olub.