Azərbaycan Dövlət Aqrar Universitetində (ADAU) 2017/2018-ci tədris ilinin payız semestrinin imtahan sessiyasında yüksək bilik nümayiş etdirərək müxtəlif  fənlərdən 100 bal toplayan tələbələrlə görüş olub. Universitetin rektoru, AMEA-nın müxbir üzvü, professor İbrahim Cəfərov dövlətin bütövlükdə aqrar təhsilə  qayğısının daim artması, təhsil müəssisəsinin maddi-texniki bazasının gücləndirilməsi, o cümlədən müasir təhsil sistemi üçün yüksək səviyyəli layihələrdən olan Tələbə evlərinin istifadəyə verilməsinin təhsilin keyfiyyətinə müsbət təsir göstərməklə imtahanlarda maksimum nəticələr əldə edən tələbələrin sayının artmasına səbəb olduğunu bildirib.

Görüşdə imtahan sessiyasında  müxtəlif fənlərdən 100 bal toplamış əyani təhsil formasının tələbələrinin stimullaşdırılması məqsədilə büdcədənkənar vəsait hesabına  2018-ci il martın 1-dən iyulun 5-dək  müddətdə  6 fənn üzrə 100 manat, 5 fənn üzrə 70 manat, 4 fənn üzrə 50 manat əlavə təqaüd verilməsi barədə universitet rektorunun əmri elan olunub.

Göstərilən qayğıya görə dövlətimizə, universitetin rektoruna təşəkkürlərini bildirən tələbələr bundan sonra  da təhsildə yüksək nəticələr əldə etməyə çalışacaqlarını söyləyib,  universitetdə yaradılmış təhsil mühitini  yüksək qiymətləndiriblər.

Görüşün sonunda xatirə şəkli çəkdirilib.