Alimlər içdiyimiz sudan mikroplastikləri çıxarmaq üçün effektiv və sadə üsul kəşf ediblər.

 

"Azərbaycan müəllimi" technote.az-a istinadən xəbəre verir ki, mikroplastiklər, artıq öz varlığını həyatımızın hər sahəsində hiss etdirir və sağlamlığımıza zərər verir. Guangzhou Tibb Universiteti və Jinan Universitetindən olan bir araşdırma qrupu, okeanların ən dərin nöqtələrində belə qarşılaşdığımız mikro və nano plastikləri (NMP) içdiyimiz sudan filtrləmək üçün sadə, lakin çox effektiv bir üsul tapıb. Komandanın müxtəlif mənbələrdən su üzərində sınaqdan keçirdiyi üsul, NMP-lərdən azad su istehlakına ümid verib. Nəticələr suyun növündən və tətbiq edilən qaynama və filtrləmə prosesindən asılı olaraq dəyişsə də, NMP-lər 90% dəyərində aradan qaldırıla bilib.

 

Tədqiqatçıların apardığı təcrübədə su əvvəlcə qızdırılıb, sonra süzülüb. Xüsusilə tərkibində əhəng olan kran suyunda qabıqda plastik parçaların qaldığı və isitmə prosesində daha çox NMP çıxarıldığı müşahidə edilmişdir. Tədqiqatçıların fikrincə, bu üsul NMP-lərdən zərərsiz şəkildə xilas olmağa imkan verir. Bu metod bütün dünyada NMP-nin təsirini azaltmaq üçün uzunmüddətli strategiya kimi istifadə edilə bilər. NMP-lərin bağırsaq mikrobiomunda dəyişikliklərə və bədənin antibiotiklərə qarşı müqavimətinə səbəb olduğu bilinir. Tədqiqatçılar ümid edirlər ki, bu strategiyanın daha geniş tətbiqi ilə mikroplastiklərin bədənimizə mənfi təsirləri azaldıla bilər.