Elm və Təhsil Nazirliyi, Ekologiya və Təbii Sərvətlər Nazirliyi və “EkoSfera” Ekoloji - Sosial Mərkəz İctimai Birliyinin birgə təşkilatçılığı ilə məktəblilər üçün ağacəkmə aksiyası keçirilib.
“EkoSfera”dan "Azərbaycan müəllimi"nə bildirilib ki, “EcoGreenAction” layihəsi çərçivəsində keçirilən ağacəkmə aksiyasının məqsədi indiki və gələcək nəsillər üçün daha dayanıqlı və ekoloji təmiz gələcək, təhsil, təbliğat, innovasiya və əməkdaşlıq kimi təşəbbüsləri özündə birləşdirən ekoloji dayanıqlılıq, yaşıl zonaların bərpası və genişləndirilməsi, ətraf mühitin mühafizəsi və iqlim dəyişikliyi ilə mübarizəyə töhfə verərək gəncləri ətraf mühitin mühafizəsində aktiv iştiraka təşviq etməkdir.
22 Aprel - Beynəlxalq Yer Günü ilə əlaqədar keçirilən aksiya çərçivəsində 200 nəfər məktəbli, gənc təbiətsevərlər, tələbələr, Ekologiya və Təbii Sərvətlər Nazirliyinin və “EkoSfera” Ekoloji - Sosial Mərkəz İctimai Birliyinin gənc könüllülərinin iştirakı ilə Qaradağ rayon Müşfiqabad qəsəbəsində 500 ağac əkilib.
Qeyd edək ki, ağacəkmə aksiyası “Yaşıl dünya naminə həmrəylik ili” çərçivəsində keçirilib.
