Azərbaycan Dillər Universitetində (ADU) “Azərbaycanda Rektorlar Konfransının yaradılması” (ECAR) adlı Erasmus+ layihəsi çərçivəsində tədbir keçirilib.
Ali təhsil müəssisələrinin tədris, beynəlmiləlləşmə və strateji inkişaf problemlərinə həsr olunan tədbirdə ADU-nun akademik və inzibati heyət üzvləri iştirak ediblər.
Beynəlxalq əlaqələr üzrə prorektor Jalə Qəribova layihənin əhəmiyyətindən, layihə çərçivəsində yaradılan komitələrin fəaliyyətləri, bugünə qədər görülən işlər haqqında məlumat verib.
Layihə çərçivəsində Belçika, Polşa və Litvada təşkil olunan təlim və seminarlarda iştirak etmiş ADU-nun sosial məsələlər və ictimaiyyətlə əlaqələr üzrə prorektoru Tamam Cəfərova, ümumi işlər üzrə prorektor Vüqar Mehrabov, tədris işləri üzrə prorektor Sevinc Zeynalova və Tədris şöbəsinin müdiri Şəfəq Şahməmmədova tədbir iştirakçılarına Avropa ali təhsil müəssisələrində monitorinq və qiymətləndirmə prosesləri, strateji idarəetmə üzrə akkreditasiya meyarları kimi mühüm mövzular haqqında ətraflı məlumat veriblər.
Tədbir müzakirələr və sual-cavab formasında davam edib.
Qeyd edək ki, Bakı Biznes Universitetinin koordinatorluğu ilə icra edilən “Azərbaycanda Rektorlar Konfransının yaradılması” adlı layihə Erasmus+ proqramı çərçivəsində Avropa Komissiyası tərəfindən maliyyələşdirilir.