“Sumqayıt” futbol akademiyasında perspektivli futbolçuların inkişafına xidmət edən “ İstedad Proqramı” layihəsi həyata keçirilir. Proqram 4 modul üzrə mövsümün sonunadək  davam edəcək.  Həftənin bazar ertəsi günləri  keçirilməsi nəzərdə tutulan proqramda hər mərhələ üçün U-12-dən U-15-dək olan komandalarda fərqlənən 12 futbolçu seçilir.  Ötən il proqramın ilkin mərhələsində   U-15, U-16, U-17 və U-19 komandalarının aparıcı üzvləri iştirak ediblər.

Proqram  üzvlərinə layihə çərçivəsində  həftədə bir dəfə   ingilis dili öyrədilir və fiziki göstəricilərinin inkişafına xidmət edən   xüsusi çalışmalar – şahmat oyunları, texniki məşqlər, öz oyunlarının video analizləri təşkil olunur.

Qeyd edək ki, məşqlər zamanı özlərini fərqli şəkildə göstərməyi bacaran futbolçuların  da  gələcəkdə mövsüm ərzində  dəyişikliklər  zamanı layihəyə cəlb olunacaqları nəzərdə tutulub.

Sifai SƏFƏROVA