Azərbaycan Dövlət İqtisad Universitetində (UNEC) “Erməni dili” kursuna yenidən start veriləcək.

UNEC-dən bildirilib ki, kursun məqsədi tədqiqatçılara Ermənistan mətbuatını mütəmadi izləmək, Ermənistanın mövcud iqtisadi durumu və gələcək vəziyyəti ilə bağlı erməni dilində olan mənbələrdən daha dolğun məlumat əldə etməklə analitik təhlil materialları hazırlamaq, həmçinin elmi məqalələrlə çıxış edərək, dünya ictimaiyyətini məlumatlandırmaq imkanı yaratmaqdır.

UNEC Tədqiqat Mərkəzlərinin İşinin Əlaqələndirilməsi və Təşkili şöbəsi və Ermənistan İqtisadiyyatının Araşdırma Mərkəzinin təşkilatçılığı ilə keçiriləcək kurslara UNEC əməkdaşları ilə yanaşı, dövlət və özəl sektorların bu sahə üzrə araşdırma aparmaq potensialına malik tədqiqatçıları da qatıla bilərlər. Kurslar oktyabr ayından başlayacaq.