Məlum olduğu kimi, ali təhsil müəssisələrinə qəbul olunmaq üçün ixtisas seçimi 16-28 avqust tarixlərində internet vasitəsilə aparılacaq.
Dövlət İmtahan Mərkəzinin (DİM) sədri Məleykə Abbaszadə ənənəvi olaraq ixtisas seçimi ilə əlaqədar çıxış edəcək, abituriyentlərin suallarına cavab verəcək.
DİM-dən bildirilib ki, qurumun sədrinin çıxışı 16 avqust saat 15:00-da başlayacaq.
M.Abbaszadə DİM-in Facebook, Youtube və Telegram səhifələri vasitəsilə ixtisas seçimi edəcək abituriyentlərə diqqət yetirməli olduqları məsələlər haqqında danışacaq.
DİM abituriyentləri ixtisas seçimi ilə əlaqədar suallarını qurumun Facebook sosial şəbəkədəki səhifəsində yazmağa çağırıb.