Mingəçevir Dövlət Universitetində cari tədris ilinin yaz semestrinin imtahan sessiyası çərçivəsində növbəti “Açıq qapı” günü keçirilib.
“Açıq qapı” günündə rektor Şahin Bayramov bakalavrlar, magistrantlar və onların valideynləri ilə görüşüb.
Növbəti imtahan həftəsinin uğurla başa çatdığını bildirən rektor imtahan sessiyasına hazırlıq sahəsində görülən işlərin müsbət nəticələr verdiyini vurğulayıb, tələbələrin müvəffəqiyyət göstəricilərindən məmnunluğunu ifadə edib.
Valideynlərin və İctimai Nəzarət Şurasının üzvlərinin imtahan prosesini yaxından izləmək təşəbbüslərini yüksək qiymətləndirən Ş.Bayramov müsbət ənənəyə çevrilən bu cür fəaliyyətlərin davamlılığı üçün bütün lazımi şəraitin təmin edildiyini deyib.
Səmimi ortamda keçən görüşdə tələbə və magistrantların sual və təkliflərinə münasibət bildirilib, universitetdə imtahan sessiyasının təşkilindən və yaradılan şəraitdən razılıq ifadə edilib.