Mingəçevir Dövlət Universitetinin ( MDU) bir qrup əməkdaşı Xocalıdan olan məcburi köçkün ailələrini ziyarət ediblər.
Ailə üzvləri ilə görüşdə universitetin əməkdaşları ilə həmsöhbət olan Xocalı soyqırımının canlı şahidləri bəşər tarixində misli görünməmiş amansızlıqların baş verdiyi həmin qətliam gecəsindən, dinc, günahsız və əliyalın insanların başına gətirilən müsibətlərdən, qanlı cinayətlərdən danışıblar.
İnsanlıq əleyhinə olan bu dəhşətli hadisələrin illər ötsə də, heç zaman unudulmayacağını və soyqırım qurbanlarının əziz xatirəsinin daim böyük ehtiramla yad ediləcəyini bildirən Xocalı sakinləri göstərilən diqqətə və dəstəyə görə təşəkkürlərini çatdırıblar.
Qeyd edək ki, gənclərin vətənpərvərlik ruhunda yetişdirilməsinə xüsusi əhəmiyyət verən MDU-da şəhid və məcburi köçkün ailələrinin ziyarət edilməsi, müharibə iştirakçıları ilə görüşlərin keçirilməsi daim diqqət mərkəzində saxlanılır.