2021-ci ildə UNEC SABAH qrupları məzunlarının magistraturaya qəbulunda yüksək nəticə əldə edilib.

Azərbaycan Dövlət İqtisad Universitetindən bildirilib ki, UNEC SABAH-dan məzun olan 216 bakalavrın 90 faizi magistraturaya daxil olub. Məzunlardan 94 nəfər yerli, 95 nəfər isə ABŞ, İtaliya, Türkiyə, Macarıstan, Polşa, Slovakiya, Çexiya, Estoniya, Litva və digər ölkələrin aparıcı universitetlərində (California University of Pennsylvania, London South Bank Universiteti, Queen Mary University of London, Corvinus University, WSB university, Vytautas Magnus, Tartu University Quantitative Economics, Budapest University of Technology and Economics, Universita degli Studi di Milano və s.) magistratura təhsili almaq hüququ qazanıb.

Məzunların bir çoxu beynəlxalq təqaüd proqramının qalibi olaraq Avropanın aparıcı universitetlərində təhsil alacaqlar.