“Məktəbdə...” layihəsinin növbəti görüşü keçiriləcək.
Görüş yanvarın 18-də paytaxtdakı 276 nömrəli tam orta məktəbdə baş tutacaq.
Bakı Şəhəri üzrə Təhsil İdarəsi tərəfindən reallaşdırılan layihənin budəfəki qonağı Azərbaycan Yazıçılar Birliyinin sədri, Xalq yazıçısı Anar olacaq.
Görüşdə məktəb və müəllimin insanların formalaşdırılmasında rolu, mütaliə mədəniyyəti, müəllim-şagird münasibətləri, yeniyetmə və gənclərdə ictimai məsuliyyət hissi və digər maraq doğuran mövzular ətrafında söhbətlər aparılacaq, məktəbliləri düşündürən suallara aydınlıq gətiriləcək.
Layihənin informasiya dəstəyi “Kaspi” qəzeti və Kaspi.az saytıdır.