Bakı İdarəetmə və Texnologiya Kolleci diplomla təltif olundu
Bakı İdarəetmə və Texnologiya Kollecində mektebgushesi.az saytının təşkilatçılığı ilə respublika üzrə 37 kollec arasında “Hansı kollecdə təhsil və idarəetmə sizi qane edir” nominasiyalı sorğunun yekunu ilə əlaqədar tədbir keçirilib. Tədbirdə təhsil ekspertləri, mektebgushesi.az saytının əməkdaşları və KİV nümayəndələri iştirak ediblər.
Kollecin direktoru, fəlsəfə doktoru Faiq Şahbazlı tədbirin əhəmiyyətindən danışıb. Kollecin belə bir uğur qazanmasından çox məmnun olduğunu bildirən F.Şahbazlı müəllim və tələbə kollektivinə öz təşəkkürünü bildirib.
Tədbirdə iştirak edən təhsil ekspertlərindən professor Şahlar Əsgərov, fəlsəfə doktoru Etibar Əliyev və Nadir İsrafilov kollecin fəaliyyətindən söz açıblar. Mektebguşhesi.az saytının rəhbəri Məzahir Məmmədli kolleclər arasında təşkil olunan sorğudan danışıb. Sorğuda fəal iştirak edən müəllim və tələbələri təbrik edib.
Kollecin şöbə müdiri Məhbubə Qurbanova, direktor müavini Şakir Mikayılov və digər tələbələr belə bir sorğunun təşkilinə görə saytın rəhbərliyinə təşəkkür ediblər.
Sonda professor Şahlar Əsgərov keçirilən sorğuda Bakı İdarəetmə və Texnologiya Kollecinin II yeri tutduğuna görə mektebgushesi.az saytının diplomunu kollecin direktoru, fəlsəfə doktoru Faiq Şahbazlıya təqdim edib.
Şakir CƏFƏROV