|
Azərbaycan Respublikasının Nazirlər Kabineti
QƏRAR
|
№ 359 |
Bakı şəhəri, 29 dekabr 2013-cü il |
"İlk
peşə-ixtisas təhsili müəssisəsinin Nümunəvi
Nizamnaməsi"nin təsdiq edilməsi haqqında
"Təhsil haqqında" Azərbaycan Respublikası Qanununun
tətbiq edilməsi barədə" Azərbaycan Respublikası
Prezidentinin 2009-cu il 5 sentyabr tarixli 156 nömrəli
Fərmanının 1.22-ci bəndinin icrasını təmin etmək məqsədi
ilə Azərbaycan Respublikasının Nazirlər Kabineti
QƏRARA ALIR:
1. "İlk peşə-ixtisas təhsili müəssisəsinin Nümunəvi
Nizamnaməsi" təsdiq edilsin (əlavə olunur).
2. Azərbaycan Respublikası Nazirlər Kabinetinin
"Azərbaycan Respublikası peşə məktəbi və peşə litseyinin
nümunəvi Əsasnaməsinin təsdiq edilməsi haqqında" 1994-cü
il 3 avqust tarixli 291 nömrəli qərarı və "Azərbaycan
Respublikası Nazirlər Kabinetinin bəzi qərarlarına
əlavələr və dəyişikliklər edilməsi barədə" 1999-cu il 21
yanvar tarixli 7 nömrəli qərarının (Azərbaycan
Respublikasının Qanunvericilik Toplusu, 1999, № 1, maddə
48) 4-cü hissəsi ləğv edilsin.
Artur RASİ-ZADƏ,
Azərbaycan Respublikasının Baş naziri
Əlavə:
İlk peşə-ixtisas təhsili
müəssisəsinin Nümunəvi Nizamnaməsi |
