|
Volqoqradda olimpiya çempionu Tatyana Lebedovanın
şərəfinə atletika üzrə beynəlxalq turnir keçirilib.
Azərbaycan Atletika Federasiyasından AZƏRTAC-a
bildiriblər ki, yarışda yeniyetmə atletlərimiz 4 medal
qazanıblar. Qızlar arasında 60 metr məsafəyə qaçış
yarışlarında Yelena Pextireva qızıl, Fəxriyyə Tağızadə
isə bürünc medala sahib olublar.
Oğlanların yarışında 60 metr məsafəyə qaçışda Riyad
Quluzadə fəxri kürsünün ən yüksək pilləsinə qalxıb.
Rüstəm Məmmədov isə üçtəkanla tullanmada bürünc medal
qazanıb. |
