|
Lənkəran şəhərindəki Heydər Əliyev Mərkəzində
keçirilən “Kitabi-Dədə Qorqud”un alman dilində ilk
tərcüməsi və nəşrinin 200 illiyinə həsr olunmuş
elmi-konfransda dastanın türk dünyasının şifahi xalq
yaradıcılığında oynadığı roldan söhbət açılıb. LDU-dan
redaksiyamıza daxil olan məlumata görə, elmi-konfrans
Prezident İlham Əliyevin “Kitabi-Dədə Qorqud”un alman
dilində ilk tərcüməsi və nəşrinin 200 illiyinin qeyd
edilməsi haqqında imzaladığı Sərəncama əsasən Lənkəran
Şəhər İcra Hakimiyyəti, Heydər Əliyev Mərkəzi və
Lənkəran Dövlət Universitetinin birgə təşkilatçılığı ilə
keçirilib. Elmi konfransda universitetin kafedra müdiri,
filologiya elmləri doktoru, dosent, folklorşünas alim
Yədulla Ağazadə çıxış edərək diqqətə çatdırıb ki, hər
bir azərbaycanlı “Kitabi-Dədə Qorqud” dastanının
məzmununu, mənasını məktəbdən başlayaraq bilməlidir.
|
