|
 Yeniyetmələrin
asudə vaxtlarının səmərəli təşkili, perspektivli
idmançıların seçilməsi və velosiped idmanında
kütləviliyin təmin olunması məqsədilə paytaxt
rayonlarının orta məktəbləri arasında təşkil edilən
birinciliklərə yekun vurulub. Sabunçu və Nərimanov
rayonlarında keçirilən yarışlardan sonra final
mərhələsinə vəsiqə qazanan son 6 komanda müəyyən edilib.
Sabunçu rayonu məktəbləri arasında 1-ci yerə 148 nömrəli
tam orta məktəbin komandası layiq görülüb. 67 və 155
nömrəli məktəblərin komandaları müvafiq olaraq 2-3-cü
yerləri tutublar. Nərimanov rayonu məktəblərinin
mübarizəsinə gəlincə, 82 nömrəli tam orta məktəbin
komandası bütün rəqiblərindən yaxşı çıxış edib. 2-ci
yerə 45, 3-cü yerə isə 200 nömrəli orta məktəbin
komandası layiq görülüb.
Beləliklə, adları çəkilən məktəblərin komandaları final
mərhələsi gələn ilin yanvarında təşkil ediləcək Bakı
şəhər çempionatında iştirak hüququ əldə ediblər. |
