|
Azərbaycan Respublikasının Prezidenti yanında Gənclər
Fondunun (AZGF) maliyyə, Sumqayıt Şəhər Gənclər və İdman
Baş İdarəsinin təşkilati dəstəyi ilə bu şəhərdə “Şah və
mat” layihəsinin ilk turu keçirilib.
AZƏRTAC xəbər verir ki, layihənin məqsədi şahmata
marağın artırılması və 2016-cı ildə Dünya Şahmat
Olimpiadasının Azərbaycanda keçirilməsi haqqında
gənclərin maarifləndirilməsidir.
Olimpiya sistemi üzrə 34 iştirakçı arasında keçirilən və
4 saata yaxın davam edən gərgin mübarizədən sonra Orxan
Sərxanlı I, Saleh Musayev II, Süleyman Alişanov isə III
yerə layiq görülüblər.
Sonda qaliblərə sertifikat və hədiyyələr təqdim olunub. |
