|
 Artıq bir neçə gündür ki, Bakı şəhərinin 12 rayonu
üzrə təhsildə uğurlu nəticələr əldə etmiş məktəblərin
qabaqcıl təcrübəsinin təbliğ və tətbiq olunması
istiqamətində “Nəzəriyyədən təcrübəyə” adlı “Açıq qapı”
günü layihəsi davam edir.
“Açıq qapı” günündə paytaxtın müxtəlif rayonları
üzrə direktorların, psixoloqların, təşkilati işlər üzrə
direktor müavinlərinin və ibtidai sinif müəllimlərinin
sessiyaları baş tutub. Sessiyalarda BŞTİ-nin, məktəb
nümayəndələrinin, ekspertlərin təqdimatları dinlənilib,
müzakirələr aparılıb. Eyni zamanda “Açıq qapı” günündə
biologiya, riyaziyyat, fizika, kimya və informatika
fənləri üzrə “Açıq dərs”lər keçirilib.
Qeyd edək ki, “Açıq qapı” günlərində iştirak
etmək istəyən müəllimlər, valideynlər və ictimaiyyət
nümayəndələri üçün də şərait yaradılır. Bakının 12
rayonu üzrə keçirilən “Açıq qapı” günlərində baş tutan
müxtəlif sessiyalarda və “Açıq dərs”lərdə iştirak etmək
istəyən şəxslər gulshen.huseynli@bakuedu.gov.az e-mail
ünvanına müraciət edə bilərlər.
Məlumat üçün bildirək ki, paytaxtın Nəsimi,
Nərimanov, Sabunçu, Səbail, Xətai, Yasamal və Nizami
rayonları üzrə “Açıq qapı” günləri artıq başa çatıb.
Layihə dekabrın 22-dək paytaxtın digər
rayonlarında davam edəcək.
Niyazi RƏHİMOV,
“Azərbaycan müəllimi” |
