|
Yeniyetmələrin asudə vaxtlarının səmərəli təşkili,
perspektivli idmançıların seçilməsi və velosiped
idmanında kütləviliyin təmin olunması məqsədilə
Respublika Velotrekində Yasamal rayonunun orta
məktəbləri arasında rayon çempionatı keçirilib. Yarışda
hər birinin tərkibində 3 oğlan və 1 qız olan 18 komanda
iştirak edib.
Reqlamentə görə, kollektivlər 800 metrlik marşrut
boyunca estafet sistemi üzrə yarışıblar. Nəticələrə
gəlincə, I yerə Bakı Avropa Liseyinin komandası layiq
görülüb. 13 və 158 nömrəli tam orta məktəblərin
komandaları isə müvafiq olaraq II, III yerləri tutublar.
Analoji yarışlar paytaxtın digər rayonlarının məktəbləri
arasında da təşkil ediləcək. Bu yarışlarda ilk III yeri
tutan komandalar isə final mərhələsi gələn ilin
yanvarında təşkil ediləcək Bakı şəhər çempionatında
iştirak hüququ əldə edirlər.
R.ZİYADOV,
“Azərbaycan müəllimi” |
