|
 Bakıdakı 81 nömrəli tam orta məktəbin 9 və 10-cu
sinif şagirdlərinin biologiya dərslərindən biri PepsiCo
şirkətinin təşəbbüsü, “Eko” adlı Yaşıl hərəkatın dəstəyi
ilə həyata keçirilən “Su qoruqçuları” adlı beynəlxalq
maarifləndirici layihəsinə həsr olunub. Təhsil
Nazirliyinin dəstəyi ilə orta məktəblərdə reallaşdırılan
“Su qoruqçuları” adlı dərsin məqsədi şagirdlərə
bütövlükdə planetimizdəki su ehtiyatlarına, o cümlədən
öz ölkəsinə qarşı məsuliyyətli yanaşmanı formalaşdırmaq,
eləcə də gündəlik həyatlarında suyu qoruyub saxlamağı
öyrətməkdir. Layihə qarşımızda önəmli əməli bir məqsəd
qoyur: Şagirdlərə evdə, məktəbdə və təbiətdə gündən-günə
suyu qorumaq üçün sadə əməlləri və addımları öyrətmək.
Dərsin gedişində məktəblilər su ehtiyatlarını
iqtisadiyyata, cəmiyyətə və planetimizin ekosisteminə nə
qədər önəmli olduğunu anlayacaq və XXI yüzillikdə olan
su ilə bağlı aktual problemlərdə daha çox öyrənəcəklər.
“Su qoruqçuları” adlı ekodərs müasir təhsilin ən
aktual vəzifələrindən birini, yəni şagirdlərin gündəlik
suyun qorunub saxlanması vurğusu ilə ekoloji
maariflənməsini həll edir. Suyun qoruqçuları ən müxtəlif
insanlar, o cümlədən şagirdlərdir. İctimai qurumların
çoxu, fəal şagirdlər suyu qoruyub saxlamaq üçün iş
görürlər: sahilləri təmizləyir, qanunsuz çirklənmənin
qarşısını alır, istifadədə olan suyu qoruyur və təbii ki,
başqa şagirdləri də maarifləndirirlər. Bəs hər birimiz
suyu qoruyub saxlamaq üçün nələr edə bilərik? Gəlin,
yaradıcılığımız və xəyallarımızı nümayiş etdirib su
qoruqçuları olaraq özümüzü təsəvvür edək. Axı yalnız
birgə səyimizlə böyük nəticələrə nail olarıq! İşin
interaktiv, yaradıcılıq formatı və əvvəlcədən
hazırlanmış prezentasiya və videoçarx məktəblilərə
məlumatı maksimal olaraq effektiv çatdırmağa imkan verir.
Rüsxarə HƏSƏNOVA,
Bakıdakı 81 nömrəli tam orta məktəbin biologiya
müəllimi |
