|
 2014-2015-ci tədris ilinin yay imtahan
sessiyasının nəticələrinə görə əlaçı və həmkarlar
ittifaqı fəalı olan ali məktəb tələbələrinə Azərbaycan
Təhsil İşçiləri Azad Həmkarlar İttifaqı (ATİAHİ)
Respublika Komitəsinin adlı təqaüdlərinin verilməsi və
“Ən yaxşı ilk həmkarlar ittifaqı komitəsi”
baxış-müsabiqəsinin qaliblərinin mükafatlandırılması
mərasimi keçirilib.
Azərbaycan Həmkarlar İttifaqları
Konfederasiyasının akt zalında keçirilən yığıncağı
konfederasiyanın sədri, Milli Məclisin deputatı Səttar
Mehbalıyev açaraq ölkəmizdə həyata keçirilən dövlət
gənclər siyasətindən, bu sahədə aparılan islahatlardan
danışıb. Qeyd olunub ki, əsası ulu öndər Heydər Əliyev
tərəfindən qoyulan və dövlət başçısı İlham Əliyevin
rəhbərliyi ilə uğurla davam etdirilən gənclər siyasəti
Azərbaycan gəncliyinin inkişafına təkan verir, onların
cəmiyyətdə özlərini təsdiq etməsində əhəmiyyətli pol
oynayır. Bu gün çoxlu sayda azərbaycanlı gəncin dünyanın
inkişaf etmiş ölkələrinin nüfuzlu ali məktəblərində
təhsil aldığını söyləyən sədr onların Vətənə dönərək
uğurla fəaliyyət göstərmələri üçün hər cür imkan və
şəraitin yaradıldığını yığıncaq iştirakçılarının
diqqətinə çatdırıb.
Çıxışında ölkəmizdə gənclərlə bağlı digər görülən
işlər, reallaşdırılan tədbirlər barədə də geniş məlumat
verən Səttar Mehbalıyev Azərbaycan Təhsil İşçiləri Azad
Həmkarlar İttifaqı Respublika Komitəsinin gənclər
siyasətinin fəal iştirakçılarından biri olduğunu xüsusi
vurğulayıb.
Ali məktəb tələbələrinə adlı təqaüdün verilməsinin
ATİAHİ Respublika Komitəsinin gənclərlə bağlı həyata
keçirdiyi tədbirlər sırasında mühüm yer tutduğunu
söyləyən S.Mehbalıyev 1995-ci ildən adıçəkilən
təşkilatın qərarı ilə təsis olunan həmin təqaüdə bu
günədək ali təhsil müəssisələrində qış və yay imtahan
sessiyalarının nəticələrinə görə 1846 tələbənin layiq
görüldüyünü bildirib.
Daha sonra ATİAHİ Respublika Komitəsinin üzv
təşkilatları arasında keçirilən “Ən yaxşı ilk həmkarlar
ittifaqı komitəsi” baxış-müsabiqəsi ilə bağlı məlumat
veriilb. Bildirilib ki, builki müsabiqədə 42 ilk
təşkilat respublika turunda iştirak edib və onlardan
10-u “Ən yaxşı ilk həmkarlar ittifaqı komitəsi”
baxış-müsabiqəsinin qalibi elan olunub.
Sonra əlaçı və həmkarlar ittifaqı fəalı olan
tələbələrə adlı təqaüdlər təqdim edilib.
Baxış-müsabiqənin qaliblərinə və ikinci turun
iştirakçılarına isə diplom və hədiyyələr verilib.
Samirə KƏRİMOVA,
“Azərbaycan müəllimi” |
