|
 Azərbaycan
Universitetinin maliyyə ixtisası üzrə ingilis dilində
təhsil alan III kurs tələbələri sərinləşdirici içkilər
istehsal edən “Azerbaijan Coca-Cola Bottlers MMC”
şirkətində infoturda olublar. İnfotur sənaye
müəssisələri ilə tanışlıq məqsədilə təşkil olunub.
Tələbələr öncə şirkətin xüsusi geyimləri ilə təmin
olunublar. Onlara “Coca-Cola”nın yaranma tarixi, keçdiyi
inkişaf yolu, o cümlədən şirkətdə ümumi iş prosesinin
mahiyyəti izah olunub, məhsulların istehsal mərhələləri
haqqında məlumat verilib.
Daha sonra tələbələr istehsal prosesi ilə də əyani
şəkildə tanış olub, istehsalın böyük məsuliyyət və
gigiyenik qaydalara riayət olunmaqla aparılmasına canlı
şahidlik ediblər. Burada tələbələrin istehsal prosesi və
mərhələləri ilə bağlı sualları da cavablandırılıb.
İstehsal prosesi ilə tanışlığın ardından tələbələrə
şirkətin sosial yönümlü layihələri, həmçinin təcrübə və
karyera imkanları ilə bağlı geniş məlumat verilib və
qeyd olunub ki, insan resurslarına verilən dəyər
“Coca-Cola”nın başlıca inkişaf istiqamətlərindən biridir.
Sonda xatirə şəkli çəkdirilib.
“Student&Business World” tələbə klubunun təşkilatçılığı
ilə təşkil olunmuş infoturda tələbələri beynəlxalq
əlaqələr şöbəsinin müdiri Bəxtiyar Bədəlov və biznes
fakültəsinin dekan köməkçisi Turan Həsənov müşayiət edib.
İctimaiyyətlə əlaqələr və nəşriyyat şöbəsi |
