|
 Noyabrın
27-də Təhsil Problemləri İnstitutunda “İnnovativ təlim
metodologiyasının və müvafiq resursların hazırlanması”
mövzusunda seminar-treninqin yekunu və sertifikatların
təqdim edilməsi ilə bağlı tədbir keçirildi.
Tədbirir giriş sözü ilə açan institutun direktoru, hüquq
üzrə fəlsəfə doktoru Qulu Novruzov bildirib ki,“Azərbaycan
Respublikasında təhsilin inkişafı üzrə Dövlət
Strategiyası”na uyğun “Fəaliyyət Planı”nın icrası üzrə
Təhsil Nazirliyinin “Tədbirlər Planı”nda öz əksini
tapmış onlarla tədbirin əsas icraçısı kimi ARTPİ
respublikamızda ilk dəfə olaraq təlimlərin məzmununda və
təlim texnologiyalarının tətbiqində fərqlilikləri tətbiq
edərək təlim nəticələrinin yüksəldilməsinə çalışır.
Bu istiqamətdə institut tərəfindən keçirilən “İnnovativ
təlim metodologiyasının və müvafiq resursların
hazırlanması” mövzusunda seminar-treninqin ikinci
mərhələsinə (16-27 noyabr) ilk peşə və orta ixtisas
təhsili müəssisələrinin seçilmiş pedaqoji kadrları cəlb
olundu. Seminar-treninqin proqramı pedaqoji kadrlar üçün
innovativ təlim metodologiyasının, peşə-ixtisas təhsili
sahəsində ixtisasların əmək bazarının dəyişən
tələblərinə yönəlmiş, kompetensiyalara əsaslanan modul
tipli təhsil standartları və proqramlarının
(kurikulumların) hazırlanması, tətbiqi və müvafiq
resursların yaradılması sahəsində bilik və bacarıqların
formalaşdırılmasını təmin edəcək 60 saatlıq
seminar-treninqin ümumi məzmununu özündə əks etdirir.
Bakı şəhərində və regionlarda yerləşən ilk peşə və orta
ixtisas təhsili müəssisələrinin rəhbərlərinin də
qatıldığı tədbirdə Qulu Novruzov qeyd etdi ki, təlim
prosesinə innovativ pedaqoji texnologiyaların
gətirilməsi, məzmunda fərqli və müasir yanaşmaların
tətbiqi zəruridir.
Q.Novruzov müəllimin təhsilin inkişafına təkan verən ən
önəmli faktorlardan biri olduğunu vurğulayaraq,
müəllimlərin səriştə və pedaqoji qabiliyyətlərinin daha
da artırılması məqsədi ilə Təhsil Nazirliyinin
“Tədbirlər Planı”nda bir sıra məsələlərin öz əksini
tapmış olduğunu qeyd etdi.
Tədbirdə çıxış edənlər seminarın səmərəliliyini qeyd
etdilər və bunun üçün Təhsil Nazirliyinə, Təhsil
Problemləri İnstitutuna təşəkkürlərini bildirdilər.
Tədbirdə müdavimlərə sertifikatlar verildi.
Mətbuat xidməti |
