|
 “Şəhər
kuboku”na həsr olunmuş ali, orta ixtisas təhsil
müəssisələrinin və mənzil istimar sahələrinin
komandaları arasında mini-futbol üzrə turnir keçirilib.
Turnirdə 8 komanda mübarizəyə qoşulub. Oyunlar Yaşar
Məmmədzadə adına Mingəçevir şəhər stadionunda keçirilib.
Universitetin şərəfini bu turnirdə qapıçı Ələmdar
Ələkbərli, müdafiəçılər Səxavət Cəbrayılov və Əhmədiyyə
Hüseynov, yarımmüdafiəçilər Elvin Poladov və Kamil
Bəkirov, hücumçular Samir Rüstəmzadə və komandanın
kapitanı Elnur İsmayılov qoruyublar. Keçirilən bütün
oyunları qələbə ilə başa vuran komandamız final
mərhələsində Mingəçevir Turizm Kollecinin tələbələri ilə
görüşüblər. Oyunun əsas vaxtı 2:2 hesabı ilə başa çatıb.
Penaltilər seriyasında komandamız qapıları daha dəqiq
nişan alaraq 4:3 hesabı ilə qalib gəlib və fəxri
kürsünün ən yüksək pilləsində yer alıb. Komandamıza
Mingəçevir şəhər Gənclər və İdman İdarəsi tərəfindən
kubok və diplomlar təqdim edilib.
Nazim NİFTƏLİYEV,
Mətbuat xidmətinin rəhbəri |
