|
 Noyabrın
13-də Azərbaycan Dövlət Mədəniyyət və İncəsənət
Universitetində “İlin ən istedadlı gənci” layihəsinə
start verilib. Müsabiqənin ilk seçim turu rəssamlıq
fakültəsində keçirilib. Seçim turunda 25-dən artıq
tələbənin 50-dən çox işi təqdim olunub. İştirakçıların
əsərləri münsiflər heyəti - xalq rəssamı Xanlar Əhmədov,
rəssamlıq fakültəsinin dekanı, dosent Afət Aslanova,
Nəzakət Əhmədova, əməkdar rəssam, dosent Həmzə
Abdullayev, dosent Elşən Hacızadə və Xanım Məmmədova
tərəfindən qiymətləndirilib.
Noyabrın 14-də isə “İlin ən istedadlı gənci” layihəsinin
seçim mərhələsi musiqi fakültəsinin tələbələri arasında
keçirilib. ADMİU-nun “Səda” Tədris Teatrında 30 nəfərdən
artıq ifaçı hərəsi bir musiqi nömrəsi ifa etməklə öz
istedadlarını nümayiş etdiriblər. Münsiflər heyəti isə
xalq artisti, professor Zamiq Əliyev, baş müəllim Sevinc
Dadaşova, Cəmalə Nəsirova, Allahyar Vəzirovdan ibarət
olub. Onlar da tələbələr arasında ilin ən
istedadllarını müəyyənləşdirmək üçün öz seçimlərini
ediblər. Lakin seçim turlarının nəticələri dekabr ayında
keçiriləcək və qala konsertdə elan olunacaq.
Sifai SƏFƏROVA,
“Azərbaycan müəllimi” |
