|
 Türkiyənin
Antalya şəhərində məktəblilərin və kollec tələbələrinin
VII Beynəlxalq Bilik Olimpiadası keçirilib. Olimpiada
Rusiya Federasiyasının Antalyadakı baş konsulluğu,
Antalya şəhər meriyası, Beynəlxalq Turizm Akademiyası,
Beynəlxalq Turizm Kolleci və Antalyadakı Rus Məktəbi
tərəfindən təşkil olunub. Bilik yarışmasında şagird
və tələbələr riyaziyyat, fizika, kimya, ingilis dili,
rus dili, coğrafiya və təsviri incəsənət fənləri üzrə
təqdim olunan sualları cavablandırıblar.
Bakı Modern Məktəbinin 6 şagirdi daha çox fəallıq
nümayiş etdiriblər. VI sinif şagirdləri - Turqay
Qaybalıyev riyaziyyat və ingilis dili fənlərindən
qızıl, Emil Hacıyev, Fərid İsmayılov, Kamal Xəlilov
ingilis dili fənnindən bürünc, XI sinif şagirdi Cəmilə
Seyidova isə rus dili və riyaziyyat fənlərindən bürünc
medal qazanıblar. VI sinif şagirdi Leyla İsmayılova isə
ingilis dili fənnindən IV yerə layiq görülüb.
Belə bir mötəbər bilik yarışmasının keçirilməsində
məqsəd istedadlı və fəal gənclər arasında ideya və
təcrübə mübadiləsini, eyni zamanda müxtəlif ölkələrdən
olan məktəblilər, tələbələr və müəllimlər arasında
əməkdaşlığı genişləndirməkdir. |
