|
 Azərbaycan
Dövlət Mədəniyyət və İncəsənət Universitetinin (ADMİU)
Tələbə Elmi Cəmiyyəti və Türkiyə Respublikası
Başnazirlik Türk Əməkdaşlığı və Koordinasiya Agentliyi (TİKA)
arasında yeni layihələrə imza atılıb. ADMİU-nun rektoru,
professor Fərəh Əliyeva, kulturologiya üzrə fəlsəfə
doktoru Sədaqət Əliyeva, Beynəlxalq əlaqələr şöbəsinin
müdiri Sara Muradova, Tələbə Elmi Cəmiyyətinin sədri
Nərgiz Hüseynova TİKA-nın Azərbaycandakı sədri,
əməkdaşları, Memar Sinan Universietinin müəllimləri ilə
görüşərək fikir mübadiləsi aparıblar.
Qeyd olunub ki, yaxın zamanda universitet tələbələrinə
Memar Sinan Universitetindən dəvət edilmiş müəllimlər
tərəfindən ebru sənəti, əsərlərin bərpası, Osmanlı
əlifbası, kino və televiziya ilə bağlı fənlərdən
kursların keçirilməsi nəzərdə tutulub. Kurslardan keçmiş
tələbələrə sertifikatlar təqdim olunacaq və fəallıq
göstərmiş 2-3 tələbə isə Memar Sinan Universitetində
pulsuz magistr təhsili ilə təmin olunacaqdır.
Daha sonra isə TİKA-nın nəzdində universitet daxilində
Azərbaycan və Türkiyə mədəniyyəti klubunun açılması və
bu klubun tez-tez Türkiyə-Azərbaycan mədəniyyəti ilə
bağlı layihələr, tədbirlər, konfranslar keçirərək bu
əməkdaşlığın daha da uzunmüddətli və sıx olmasına şərait
yaratmasından danışılıb.
Mətbuat xidməti |
