|
 Noyabrın 17-də Azərbaycan Dillər Universitetində (ADU)
Tələbə Gənclər Təşkilatının nəzdində fəaliyyət göstərən
Yazarlar klubunun təşkilatçılığı ilə vətənpərvərlik
mövzusunda “Şeir çələngi” adlı tədbir keçirildi.
Azərbaycan Respublikasının Dövlət himninin səslənməsi
ilə açılan tədbirdə universitet tələbələri tərəfindən
vətənpərlik mövzusunda şeirlər səsləndirildi. “Sarı
gəlin”, “Cənab Leytenant”, “Azərbaycan” mahnıları ifa
olundu. Tədbirdə “Dalğa” rəqs qrupunun ifasında “Yallı”
rəqsi nümayiş olundu. Daha sonra “Əsgər marşı”nın
müşayiəti ilə əsgər forması geyinmiş tələbələr
tərəfindən Azərbaycan Respublikasının Dövlət bayrağı
səhnəyə gətirildi, hərbi andiçmə mərasiminin səhnəciyi
canlandırıldı.
Münsiflər heyəti tərəfindən aparılan seçimə
əsasən filologiya və jurnalistika fakültəsinin 326
a qrup tələbəsi Səltənət Quliyeva I yerə, pedaqoji (ingilis
dili-fransız dili) fakültəsinin 222 b qrup tələbəsi
Şəlalə İbrahimli II yerə, filologiya və jurnalistika
fakültəsinin 241 a qrup tələbəsi Nəimi Nəbiyev isə III
yerə layiq görüldü, qaliblər mükafatlandırıldı.
Mükafatlandırma mərasimindən sonra ADU-nun tədris
işləri üzrə prorektoru Vazeh Əsgərov, tərbiyə işləri
üzrə prorektor, professor Ələddin Əliyev, sosial elmlər
kafedrasının professoru Məhəmməd Teymurlu, şair Qəşəm
Nəcəfzadə çıxış etdilər.
İctimaiyyətlə əlaqələr
Departamenti |
