|
 Dövlət
Bayrağı Günü ilə əlaqədar Siyəzəndə yeniyetmə oğlan və
qızlar arasında şahmat üzrə rayon birinciliyinin
qalibləri mükafatlandırılıb.
İki gün davam edən yarışda ümumilikdə 40-dan çox
yeniyetmə birincilik uğrunda mübarizə aparıb. Qızlar
arasında Nigar Dəmirova, oğlanlar arasında isə Kamran
Əsədov rayon birinciliyinin qalibi olublar. Yarışda
uğurla çıxış edən Nəzrin Allahverdiyeva, Şəbnəm
Abdullayeva, Rüstəm Əhmədov və Məhəmməd Yaqubov da
mükafatçılar sırasında yer almağı bacarıblar. Gənclər
Mərkəzində keçirilən mükafatlandırma mərasimində rayon
gənclər və idman idarəsi, təhsil şöbəsi və Mədəniyyət
İşçiləri Həmkarlar İttifaqı rayon komitəsinin
nümayəndələri çıxış edərək yarışın məqsədi, eləcə də
Dövlət Bayrağı Gününün əhəmiyyəti haqqında danışıblar.
Çıxışlardan sonra təşkilatçılar tərəfindən I, II və III
yerlərin sahiblərinə fəxri fərman və qiymətli hədiyyələr
təqdim edilib.
AZƏRTAC |
