|
Noyabrın 11-də Abdulla Şaiq adına Azərbaycan
Dövlət Kukla Teatrında UNIMA Azərbaycan Milli Mərkəzinin
dəstəyi ilə “Oyuq” teatr studiyasının yetirmələri Dövlət
Bayrağı Günü və Konstitusiya Günü münasibətilə uşaq
evlərinin sakinləri üçün “Yatmış gözəl” tamaşasını
təqdim ediblər. Tamaşanın ideya və ssenari müəllifi
Səidə Haqverdiyeva, quruluşçu rejissoru Cəmilə
Allahverdiyevadır.
AZƏRTAC xəbər verir ki, tamaşanın süjeti rəhmsiz
cadugərin dünyada ən gözəl və xeyirxah şahzadə olan
Ellanı öz qəşəng şahzadəsindən ayırmaq üçün onu sehrə
salması üzərində qurulub. Ella qalaçada dərin yuxuda
olarkən onun dostları Cırtdan, göyçək Fatma, Tıq-tıq
xanım, Çəkməli pişik, Qızıl xoruz, Hindistan şahzadəsi,
Maşa və Ayı birləşərək xeyirxah şahzadənin cadugərə
qalib gəlməsinə kömək ediblər.
Gənc aktyorların çıxışı böyük maraqla qarşılanıb.
Sonra tanınmış ifaçıların konserti olub. |
