|
 Azərbaycan
Respublikasının Prezidenti yanında Bilik Fondu dövlət
başçısının “Kitabi-Dədə Qorqud”un dünya elminə
tanıdılması və alman dilində ilk nəşrinin 200 illiyinin
qeyd edilməsi barədə sərəncamına uyğun olaraq, Bakıda və
ölkənin müxtəlif bölgələrində silsilə tədbirlər həyata
keçirir.
Bilik Fondunun təşkilatçılığı ilə Rabitə və Yüksək
Texnologiyalar Nazirliyinin Elektron Hökumət
Təlim-Tədris Mərkəzində “Orta məktəblərdə “Kitabi-Dədə
Qorqud”un tədrisi” mövzusunda videokonfrans keçirilib.
Videokonfransda Bilik Fondunun Nizami rayonu üzrə
nümayəndəsi, Ə.Mahmudov adına 220 nömrəli məktəb-liseyin
direktoru Almaz Əsgərova, Yasamal rayonu üzrə
nümayəndəsi, 53 nömrəli tam orta məktəbin direktoru
Firəngiz Həsənova, Fondun İnformasiya təminatı
sektorunun müdiri Xatirə Hüseynova iştirak ediblər.
Gəncə, Sumqayıt, Şəki, Qazax, İmişlidən olan ədəbiyyat
müəllimləri videokonfransa onlayn formada qatılaraq
mövzu ətrafında fikirlərini bölüşüblər. Bölgələrdən olan
müəllimlər “Kitabi-Dədə Qorqud”un tədrisi” ilə bağlı
maraqlı təkliflər irəli sürüblər. Bundan başqa,
müəllimləri maraqlandıran suallar Bilik Fondunun
nümayəndələri tərəfindən cavablandırılıb.
Niyazi RƏHİMOV,
“Azərbaycan müəllimi” |
