|
 “Gələcək Naminə” Vətəndaş Cəmiyyətinin İnkişafına
Dəstək İctimai Birliyi Azərbaycan Respublikasının
Prezidenti yanında Gənclər Fondunun dəstəyilə “Qalib
SƏNSƏN!” layihəsinin icrasını uğurla davam etdirir.
Layihənin məqsədi gənclərin bilik və
dünyagörüşünün artırılmasından, onların komanda halında
işləməyinə, asudə vaxtının səmərəli təşkilinə və
universitetə qəbul imtahanına hazırlaşan şagirdlərin
motivasiya olunmasına dəstək göstərilməsindən ibarətdir.
Layihə çərçivəsində Ağcabədi şəhərində sayca 3-cü
tədbir keçirilib. Ağcabədi şəhər 1 nömrəli tam orta
məktəbdə baş tutan tədbirdə 1 və 3 nömrəli tam orta
məktəblərin komandaları arasında bilik yarışı keçirilib.
Maraqlı və gərgin keçən intellektual bilik yarışında 1
nömrəli tam orta məktəbin “Şahin” komandası finala
vəsiqə qazanıb.
Çıxış edənlər qeyd ediblər ki, belə yarışların
keçirilməsi məktəblilərin intellektual səviyyəsinin
yüksəlməsinə, onlarda qısa vaxt kəsiyində dəqiq qərarlar
vermələrinə yardımçı olacaq. |
