|
* Noyabrın 6-da Azərbaycan Respublikasının
Prezidenti İlham Əliyev Gürcüstana rəsmi səfəri
çərçivəsində bu ölkənin Prezidenti Giorgi Marqvelaşvili
ilə birlikdə Marneulidə “Çay evi” tədris mərkəzi,
soyuducu anbar kompleksi ilə tanış olublar.
* Prezident İlham Əliyev noyabrın 5-də Gürcüstana
rəsmi səfərə gedib. Həmin gün Azərbaycan Respublikasının
Prezidenti İlham Əliyevin və Gürcüstan Prezidenti
Giorgi Marqvelaşvilinin təkbətək və geniş tərkibdə
görüşləri olub. Hər iki ölkənin dövlət başçıları Birgə
Bəyannamə imzalayıblar, həmçinin mətbuata bəyanatlarla
çıxış ediblər.
* Noyabrın 4-də dövlət başçısı İlham Əliyev
Zaqatala rayonunda və Şəki şəhərində səfərdə olub, bir
sıra sosialyönümlü obyektlərin açılışlarında iştirak
edib.
* Ölkə başçısı İlham Əliyev noyabrın 2-də MDB
İcraiyyə Komitəsinin sədri, Azərbaycan Respublikası
Milli Məclisinə seçkilərdə MDB-dən müşahidəçi
missiyasının rəhbəri Sergey Lebedevin başçılıq etdiyi
nümayəndə heyətini qəbul edib.
* Noyabrın 1-də dövlət başçısı İlham Əliyev
Pakistan Senatının Müdafiə komitəsinin sədri Müsahid
Hüseyn Seyidin başçılıq etdiyi, Pakistan Senatının
üzvlərindən ibarət olan nümayəndə heyətini qəbul edib.
* Prezident İlham Əliyev noyabrın 1-də Malta
parlamentinin spikeri Anqlu Farucanın başçılıq etdiyi
nümayəndə heyətini qəbul edib.
* Noyabrın 1-də Azərbaycan Respublikasının
Prezidenti İlham Əliyev Bakıdakı 6 saylı seçki
məntəqəsində səs verib. |
