|
 Oktyabrın 24-dən noyabrın 1-nə kimi Azərbaycan
Dövlət Mədəniyyət və İncəsənət Universitetinin
instrumental ifaçılıq kafedrasının müdiri, dosent,
beynəlxalq müsabiqələr laureatı, sənətşünaslıq üzrə
fəlsəfə doktoru Səbinə Mehtiyeva başda olmaqla 10
nəfərlik heyətlə Macarıstanın Balaton və Vesperm
şəhərlərində keçirilən “Zolotaya osen” Beynəlxalq Musiqi
Festivalında iştirak etmək üçün ezam olunub. Səbinə
Mehtiyeva münsiflər heyətinin üzvü seçilib. Hazırda
verilən məlumata görə, dünyanın 14 ölkəsindən 280
iştirakçının qatıldığı festival-müsabiqədə Səbinə
Mehtiyevanın tələbələri - III kurs tələbəsi Könül
Kərimli I yerə, II kurs tələbəsi Babək Cəfərov,
universitetin baş müəllimi Humay Mansurovanın tələbələri
- III kurs tələbəsi Şədidə Ağasıyeva II yerə (solo-fortepiano),
fortepiano duet üzrə Emil Hacıyev və Şədidə Ağasıyeva
III yerə, baş müəllim Sevda Axındovanın tələbələri -
III kurs tələbəsi Nərmin Qasımlı və Jalə Səmədli
fortepiano duet nominasiyasında II yerə, fortepiano solo
ifaçılığı üzrə isə Nərmin Qasımlı və Jalə Səmədli III
yerə layiq görülüblər.
Xatırladaq ki, festival hələ noyabr ayının 1-nə
kimi davam edəcək. |
