|
Göyçək PİRİYEVA,
Bakı şəhəri, 6 nömrəli məktəb-liseyin Azərbaycan dili
müəllimi
 Mövzu:
“O, anasının köməkçisidir” mətni.
Standart:
2.1.4. Deyəcəyi əsas fikri müəyyənləşdirir.
3.1.1. Mətndə tanış olmadığı sözlərin mənasını lüğətdən
istifadə etməklə müəyyənləşdirir.
4.1.2. Topladığı fakt və məlumatlara əsasən plan tərtib
edir.
Məqsəd:
- mətndəki əsas fikri müəyyənləşdirir;
- mətndə tanış olmayan sözlərin mənasını lüğətdən
istifadə etməklə müəyyənləşdirir;
- mətnin məzmununa əsasən plan tərtib edir.
Forma:
Qruplarla iş.
Üsul:
Beyin həmləsi, müzakirə.
İnteqrasiya:
Ədəbiyyat, musiqi.
Resurslar:
Dərslik, slaydlar.
Motivasiya:
Dərsdə motivasiya yaratmaq üçün ananın övladına,
müəllimin şagirdinə, cavan oğlanın əlil arabasında olan
adama və s. kimi kömək nümunələrini əks etdirən
slaydlar nümayiş olunur.
Şagirdlər həmin slaydlara baxaraq insanlara çətin
məqamlarında kömək göstərməyin vacib və yaxşı hərəkət
olduğunu qeyd edirlər.
Tədqiqat sualı:
Sonra aşağıdakı kimi tədqiqat sualı qoyulur:
“Ana-bala məhəbbətini sən nədə görürsən?”
Tədqiqatın aparılması:
- Tədqiqat qruplarda aparılır. Bu məqsədlə sinif 3
qrupa bölünür. Hər qrupa aşağıdakı kimi iş vərəqləri
paylanır.
I qrup
Tapşırıq 1
- “Ana evin dirəyidir”. Bu atalar sözünün mənasını
müəyyənləşdirin.
Tapşırıq 2
- Mətndəki çətin sözlərin lüğətdən tərcüməsini tapın:
yada düşmək, pilləkan, yatırmaq. Həmin sözlərə cümlə
qurun.
Tapşırıq 3
- Mətnə plan tərtib edin.
II qrup
Tapşırıq 1
- Sən anana kömək edirsənmi?
Tapşırıq 2
- Mətndəki tanış olmayan sözlərin lüğətdən tərcüməsini
tapın: tərtəmiz, fərəhlənmək, əlavə etmək, süpürmək. Bu
sözlərdən üçünü cümlə içərisində işlədin.
Tapşırıq 3
- Mətnə plan tərtib edin.
III qrup
Tapşırıq 1
- Anana olan məhəbbətini necə göstərərdin?
Tapşırıq 2
- Mətndəki tanış olmayan sözlərin tərcüməsini tapın:
səliqəli, aynabənd, qadınlar günü, mətbəx. Bu sözlərdən
üçünü cümlə içərisində işlədin.
Tapşırıq 3
- Mətnə plan tərtib edin.
Tədqiqat təqdimatın hazırlanması ilə yekunlaşır. Sonra
qrup liderləri həmin təqdimatları edirlər.
Müzakirə aparılır.
Mübadilə və müzakirə mətnin ideyasının düzgün
qavranılmasını aşkara çıxarmağa imkan verir.
Müzakirənin sonunda aşağıdakı kimi nəticə çıxarılır.
Ana müqəddəsdir. Onu sevmək, hər zaman ona kömək etmək
bizim borcumuzdur.
Qiymətləndirmə.
Qiymətləndirmə aşağıdakı cədvəl üzrə aparılır:
Ev
tapşırığı:
Dərsin
sonunda
şagirdlərə
anaları
haqqında
esse
yazmaq
tapşırılır. |
