|
Azərbaycan Gənclərinin Avropaya İnteqrasiyası Təşkilatı
(AGAT) oktyabrın 20-də Beynəlxalq Sülh Gününün
təsisçisi, “Peace One Day” Təşkilatının rəhbəri Ceremi
Gilley ilə onlayn görüş keçirib.
AGAT-dan AZƏRTAC-a bildiriblər ki, “Skype” vasitəsilə
keçirilən görüşdə ölkəmizdəki milli icmaların gənclər
təşkilatlarının əlaqələndirmə şurasının üzvləri də
iştirak ediblər.
AGAT-ın sədri Nərgiz Xələf hər iki təşkilatın
əməkdaşlığa başladığı iki il ərzində görülən işlərə dair
videotəqdimatla çıxış edib.
Beynəlxalq Sülh Gününün təsisçisi Ceremi Gilley
əməkdaşlıq çərçivəsində görülən işlərdən məmnunluğunu
bildirib. O, Azərbaycan gəncləri ilə əməkdaşlığa önəm
verdiyini vurğulayaraq dünyada sülhün qorunması üçün
səylərin birləşdirilməsinin vacibliyini diqqətə
çatdırıb.
Sonra görüş iştirakçılarının sualları cavablandırılıb. |
