|
Azərbaycan Respublikası Təhsil Nazirliyi və Azərbaycan
Respublikası Dini Qurumlarla İş üzrə Dövlət Komitəsinin
“Təhsil müəssisələrində uşaq və gənclərin milli-mənəvi
və ümumbəşəri dəyərlərə hörmət ruhunda tərbiyə olunması
tədbirlərinin gücləndirilməsi haqqında” 2015-ci il üzrə
birgə Fəaliyyət planının 8-ci bəndinin icrası məqsədilə
“Azərbaycan Respublikası Təhsil Nazirliyi haqqında
Əsasnamə”nin 13.5-ci bəndini rəhbər tutaraq
ƏMR EDİRƏM:
1.
2015-ci il oktyabr-dekabr ayları ərzində ümumtəhsil
məktəblərinin IX-XI sinif şagirdlərinin iştirakı ilə
“Milli-mənəvi dəyərlər haqqında düşüncələrim” mövzusunda
inşa yazı müsabiqəsi keçirilsin.
2.
Müsabiqə rayon (şəhər) və respublika mərhələləri üzrə
təşkil edilsin.
3.
Naxçıvan MR Təhsil Nazirliyi, Bakı Şəhəri üzrə Təhsil
İdarəsi, Gəncə Şəhər Təhsil İdarəsi, rayon (şəhər)
təhsil şöbələri, Nazirliyin tabeliyindəki ümumi təhsil
müəssisələrinin direktorları inşa müsabiqəsinin
mütəşəkkil və yüksək səviyyədə keçirilməsini təmin etmək
məqsədilə müvafiq işçi qrupu yaratsınlar, müsabiqənin
rayon (şəhər) mərhələsinin qalibləri (Naxçıvan MR-dən və
Bakı şəhərindən 10 (on) nəfər, Gəncə və Sumqayıt
şəhərlərindən 3 (üç) nəfər, digər rayon və şəhərlərin,
Nazirliyin tabeliyindəki ümumi təhsil müəssisələrinin
hər birindən 1 (bir) nəfər) haqqında məlumatı (soyadı,
adı, atasının adı, təhsil aldığı məktəb, sinif) 2015-ci
il noyabr ayının 20-dək Təhsil Nazirliyinə göndərsinlər.
4.
Müsabiqənin respublika mərhələsi dekabr ayının ikinci
ongünlüyündə Bakı şəhərində keçirilsin.
5.
Məktəbəqədər və ümumi təhsil şöbəsi (A.Əhmədov) və
Təhsilin inkişafı proqramları şöbəsi (E.Əmrullayev)
müsabiqənin respublika mərhələsinin iştirakçılarının
inşa yazılarının yoxlanması və ölkə üzrə qaliblərin
obyektiv seçilməsi məqsədilə mütəxəssislərdən ibarət
komissiya təşkil etsinlər, yekun nəticələr barədə
rəhbərliyə hesabat hazırlasınlar.
6.
Müsabiqə qalibləri tutduqları yerlərə görə müvafiq
dərəcəli diplom və hədiyyələrlə təltif edilsinlər.
7.
İnformasiya şöbəsi (E.Əliyev) əmrin “Azərbaycan
müəllimi” qəzetində dərc olunmasını və Nazirliyin
internet saytında yerləşdirilməsini təmin etsin.
8.
Əmrin icrasına nəzarət nazir müavini Ceyhun Bayramova
həvalə olunsun.
Mikayıl CABBAROV,
Azərbaycan Respublikasının təhsil naziri
19 oktyabr 2015-ci il |
