|
 Nərimanov
rayonu üzrə uşaq və yeniyetmələr arasında
məhəllələrarası mini-futbol turnirinin final oyunları
keçirilib. Bakı Şəhər Gənclər və İdman Baş İdarəsi
tərəfindən 2004-2005-ci il təvəllüdlü uşaqlar arasında
keçirilən turnirdə 16 komanda tərkibində 160 nəfər
iştirak edib.
Gərgin oyun şəraitində keçən yarışmada I yeri Nərimanov,
II yeri Gənclik, III yeri Ulduz komandaları tutublar.
Final oyunundan sonra turnirin təntənəli bağlanış
mərasimi keçirilib.
Tədbirdə Nərimanov rayonu Gənclər və İdman İdarəsinin
rəisi Nəcəf Novruzov, Bakı Şəhər Gənclər və İdman Baş
İdarəsinin məsul əməkdaşı Salman Əbdülov və digər rəsmi
şəxslər çıxışlarında futbolun inkişafında xüsusilə
uşaqlar arasında keçirilən məhəllələrarası mini-futbol
turnirinin böyük rol oynadığını, ölkə Prezidentinin
müvafiq sərəncamı ilə təsdiq olunmuş "Azərbaycan
Respublikasında 2005-2015-ci illərdə futbolun inkişafına
dair Dövlət Proqramı"nın bu tipli tədbirlərin
keçirilməsi ilə yüksək səviyyədə icra olunduğunu
bildiriblər.
Tədbirin sonunda qalib komandaların üzvləri Bakı Şəhər
Gənclər və İdman Baş İdarəsi tərəfindən müvafiq dərəcəli
diplomlarla, idman geyimləri və kubokla təltif olunublar.
Sonda qalib komandanın üzvləri qonaqlarla xatirə şəkli
çəkdiriblər. |
