|
Rusiya Federasiyasının Həştərxan şəhərində RF-in
Mədəniyyət Nazirliyinin təşkilati dəstəyi ilə "Qızıl
çölün səsləri" adlı V beynəlxalq etnomusiqi
festival-müsabiqəsi keçirilib. Festivalda ölkəmizi
Azərbaycan Milli Konservatoriyasının tələbələri-Cahandar
Xanlarov və Ağayar Xanlarov (instrumental ifa) və
Azərbaycan Dövlət Mədəniyyət və İncəsənət
Universitetinin tələbəsi Azər Səlimli (xanəndəlik)
təmsil edib.
200-dən artıq iştirakçısı olan festival-müsabiqədə
beynəlxalq münsiflər heyətinin qərarı ilə Ağayar
Xanlarov və Cahandar Xanlarov "ənənəvi xalq çalğı
alətləri" nominasiyası üzrə müvafiq olaraq I və II
dərəcəli, Azər Səlimli isə "solo oxuma" (xalq
mahnıları) nominasiyası üzrə III dərəcəli diploma və
laureat adlarına layiq görülüblər.
Eyni zamanda Azərbaycan nümayəndə heyətinin üzvlərinin
iştirakı ilə "Astraxan-24" yerli televiziya kanalı üçün
veriliş hazırlanıb, ölkəmizin təmsilçiləri qala
konsertdə iştirak edib, habelə ustad dərsləri veriblər.
Sifai SƏFƏROVA,
"Azərbaycan müəllimi" |
