|
 5
oktyabr - Beynəlxalq Müəllimlər Günü Azərbaycan
Texnologiya Universitetində qeyd olunub. Bu münasibətlə
təşkil olunan tədbirdə çıxış edən universitetin rektoru,
professor Akif Süleymanov ulu öndər Heydər Əliyevin
müəllimlərə verdiyi dəyərdən, bununla bağlı
səsləndirdiyi ibrətamiz fikirlərdən danışıb. ATU-nun
240 nəfərlik professor-müəllim heyətini Beynəlxalq
Müəllimlər Günü münasibətilə təbrik edən rektor qeyd
edib ki, müəllimlik cəmiyyətimizdə ən çox rəğbət
bəslənən peşələrdəndir. Professor Akif Süleymanov hər
bir müəllimi pedaqoji işə, günün tələblərinə uyğun kadr
hazırlanması prosesinə maksimum diqqət və enerji ilə
yanaşmağa, aparılan islahatlara dəstək olmağa çağırıb. O
qeyd edib ki, hər bir müəllimin əsas vəzifələrindən biri
də çalışdığı təhsil ocağını qorumaq və inkişaf etdirmək
olmalıdır.
Sonra rektor ATU-nun professor-müəllim heyətindən 5
nəfərə təşəkkür plaketi, 9 nəfərə isə fəxri fərman
təqdim edib.
Rasim ƏLİYEV |
