|
 Azərbaycan
Dövlət Aqrar Universitetinin (ADAU) taxıl və paxlalı
bitkilər laboratoriyasında yeni buğda sortlarının
yetişdirilməsi istiqamətində iş aparılır.
Laboratoriyanın müdiri Firudin Qurbanovun verdiyi
məlumata görə, artıq "Qismət tritikale" sortu Dövlət
Sort Komissiyası tərəfindən qəbul edildiyindən, onun
rayonlaşdırılmasına başlanılıb. Hazırda alimlər iki yeni
sort - "Qırmızı buğda-1" və "Nurcahan" sortları üzərində
sınaqları davam etdirirlər.
F.Qurbanov onu da əlavə edib ki, fermerlər ən çox yerli
sortlara üstünlük verirlər. Buna görə də aparılan
təcrübələr əsasən yerli sortlar üzərində həyata
keçirilir. Yerli sort buğdalar həm xəstəliyə davamlı,
həm də məhsuldardır. Bu xüsusiyyətlərinə görə onlar
yerli fermerlər tərəfindən daha geniş istifadə olunur. |
