|
 Sentyabrın
24-də Qurban bayramı münasibətilə Sumqayıt Dövlət
Universitetinin kollektivi Zeynalabdin qəsəbəsində
yerləşən "N" saylı hərbi hissədə olaraq, əsgərlərimizin
bayram sevincinə şərik oldular.
Hərbi hissənin rəhbərliyi hər kəsi səmimi-qəlbdən təbrik
etdi. Qeyd etdi ki, son dövrlər təhsil müəssisələrinin
kollektivlərinin səngərlərdə, hərbi hissələrdə görüşləri
ənənə halı almışdır. Bu da əsgərlərimizə mənəvi dəstək
və ruh yüksəkliyi verir. Hər bir Azərbaycan
vətəndaşının ordumuza və əsgərinə güvəndiyini,
xalqımızın hər an onların yanında olduğunu bildirən
komandir universitet rəhbərliyinə, xüsusilə rektor Elxan
Hüseynova öz dərin təşəkkürünü bildirdi.
Əsgər və zabitlər qarşısında çıxış edən SDU-nun
Həmkarlar İttifaqı Komitəsinin sədri, dosent Turan
Cəfərov universitet rəhbərliyi adından təbriklərini
çatdıraraq, onlara çətin və şərəfli xidmətlərinin yerinə
yetirilməsində uğurlar arzuladı. T.Cəfərov çıxışında
Ali Baş Komandanın rəhbərliyi altında torpaqlarımızın
tezliklə azad olunacağına və bayrağımızın doğma
Qarabağımızda dalğalanacağına əminliyini bildirdi.
Sonra SDU-nun məzunu olmuş əsgər Elşad Əliyev əsgər
geyimində nə qədər qürur duyduğunu və onun potensiallı,
savadlı, cəsur bir əsgər kimi formalaşmasında
universitetin böyük rol oynadığını görüş
iştirakçılarının nəzərinə çatdırdı.
Tədbir SDU-nun Tələbə Gənclər Klubunun təşkil etdiyi
konsert proqramı ilə davam etdirildi.
Sonda "N" saylı hərbi hissənin rəhbərliyi Sumqayıt
Dövlət Universitetinin Tələbə Gənclər Klubunun
özfəaliyyət ansamblını Qurban bayramı münasibəti ilə
hərbi hissədə şəxsi heyət üçün təşkil olunmuş tədbirdə
fəal iştirak etdiyinə görə fəxri fərmanla təltif etdi. |
