|
Sentyabrın 14-də Azərbaycan Dövlət İqtisad
Universitetində (UNEC) ilk dəfə olaraq ali təhsil
müəssisəsinə yeni qəbul olunan tələbələr üçün "Oriyentasiya
günü" keçirilib. Dünya universitetlərində ənənəvi təşkil
olunan tədbirdə tələbələr universitet həyatı ilə tanış
olub, UNEC barədə ətraflı məlumat əldə ediblər.
I kurs tələbələri üçün gün boyu təşkil olunan
təqdimatlarda universitetin tarixi, fəxri doktor və
məzunları, tədris prosesi, tələbə təşkilatları, təqaüd
proqramları və digər mövzular barədə məlumatlar
çatdırılıb.
Tədbirdə yuxarı kurs tələbələrindən təşkil edilən
könüllülər qrupu I kurs tələbələri üçün universitet
ərazisində informasiya turları təşkil ediblər. Tədbirdə
həmçinin UNEC tələbələrinin əl işlərindən ibarət rəsm
sərgisi təşkil edilib.
Universitet sıralarına yeni qatılan tələbələr stolüstü
tennis və "ip çəkmə" oyunlarında iştirak ediblər.
Universitet tələbələrinin ifasında musiqi nömrələri və
rəqslər ifa edilib. Könüllülərin iştirakı ilə "Köpük şou"
flaşmobu təşkil olunub.
İctimaiyyətlə əlaqələr şöbəsi |
